කටුනායක ගුවන්තොටට ප්රහාරයක් එල්ල කරන බවට ලද email ඔත්තුව ගැන විමර්ශන
කටුනායක ගුවන්තොටුපළට බෝම්බ ප්රහාරයක් එල්ල කිරීමට නියමිතව ඇති බවට එම ගුවන්තොටුපළ වෙත ලැබුණු ඊමේල් පණිවිඩයක් සම්බන්ධයෙන් අපරාධ පරීක්‍ෂණ දෙපාර්තමේන්තුව සහ රාජ්‍ය බුද්ධි තොරතුරු ඒකකය පුළුල් විමර්ශනයක් ආරම්භ කර තිබෙනවා.
මෙම ඊමේල් පණිවිඩය බංග්ලාදේශයේ විශ‍්‍රාමික හමුදා නිලධාරියකුගේ ඊමේල් ලිපිනයක් ඔස්සේ ලැබී ඇති බව මෙතෙක් කළ විමර්ශනවලින් හෙළිවී තිබෙනවා.
Related Posts
විමර්ශන කණ්ඩායම් පවසන්නේ මෙම විශ‍්‍රාමික හමුදා නිලධාරියාගේ ඊමේල් ලිපිනය හැක් කර කිසියම් සංවිධානාත්මක කණ්ඩායමක් හෝ පුද්ගලයකු විසින් මෙම ඊමේල් පණිවිඩය කටුනායක ගුවන්තොටුපළ වෙත එවන්නට ඇති බවයි.
මීට දින තුනකට උඩදී මෙම ඊමේල් පණිවිඩය ලැබී ඇති අතර එම පණිවිඩය ලැබීමෙන් පසු කටුනායක ගුවන්තොටුපළේ මෙන්ම මත්තල ගුවන්තොටුපළේද ආරක්ෂිත ක‍්‍රියාමාර්ග වැඩි කිරීමට කටයුතු කර තිබෙනවා.
