සංචාරකයන්ට තොරතුරු සපයන නව පුරාවිද්‍යාත්මක ඇප් එකක්

0 4

ශ්‍රී ලංකාවේ පුරාවිද්‍යාත්මක ස්ථානවලට අදාළව නිවැරදි ප්‍රවේශයක් ලබා ගැනීම සඳහා ඊ-හෙරිටේජ් (e-heritage) ව්‍යාපෘතිය යටතේ නිර්මාණය කළ (Heritage Sri lanka) නම් ජංගම දුරකථන යෙදුම (App) හඳුන්වාදීම ජාතික උරුම ප්‍රාසාංග කලා හා ග්‍රාමීය කලා ශිල්පී ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක මහතාගේ සහභාගිත්වයෙන් එම අමත්‍යංශයේදී සිදු කෙරුණා.

ශ්‍රී ලංකා තොරතුරු සහ සන්නිවේදන තාක්ෂණ නියෝජිත ආයතනය මෙහි නිර්මාණ කටයුතු සිදු කර තිබෙනවා.

ඒ පුරාවිද්‍යා දෙපාර්තමේන්තුව සහ බුද්ධ ශාසන,ආගමික හා සංස්කෘතික කටයුතු අමාත්‍යාංශය දායකත්වය ඇතිවයි.

දේශීය විදේශීය සංචාරකයන්ට පුරාවිද්‍යාත්මක ස්ථානයන් පිළිබඳව තොරතුරු සඳහා පහසුවෙන් ළඟාවීමට හා අධ්‍යනය කිරීමට මෙම යෙදුම මඟින් හැකියාව පවතිනවා.

අදාළ ස්ථානයෙහි සවිස්තරාත්මක දත්ත, ඡායාරූප, වීඩියෝ, හඬපට, චන්ද්‍රිකා තාක්ෂණයෙන් සොයා ගැනීමේ හැකියාවද මෙම යෙදුම සතුවනවා.

දැනට පොළොන්නරුව පුරවිද්‍යා භුමිය සම්පුර්ණයෙන්ම ඩිජිටල්කරණය කර ඇති අතර ඒ ඒ ස්ථානවල ඇති QR කේතය ජංගම දුරකතනයක් මගින් ස්කෑන් කිරීමෙන් හෝ අදාළ අංකය ජංගම දුරකතනයට ඇතුලත් කිරීමෙන් තොරතුරු සිංහල, දෙමල සහ ඉංග්‍රීසි යන භාෂා තුනින්ම ලබාගත හැකි වනවා.

එමෙන්ම සංචාරය කරන අතරතුර එය භාෂා තුනින්ම ඇසීමට හැකි නිසා අධ්‍යාපන අතින් මෙන්ම සංචාරක ආකර්ෂණය අතින්ද වැදගත් වනවා.

ඉදිරියේදී මෙම යෙදුම තවදුරටත් සංවර්ධනය කිරීමට බලපොරොත්තු වන බවත් ඊට ලංකාව පුරා හඳුනාගත් පුරවිද්‍යා ස්ථාන 430 ක් ඊට එක්කිරීමටත් අපේක්ෂා කරන බවත් ශ්‍රී ලංකා තොරතුරු සහ සන්නිවේදන තාක්ෂණ නියෝජිත ආයතනයේ වැඩසටහන් ප්‍රධානී ශ්‍රියානන්ද රත්නායක මහතා පවසනවා.

ජාතික උරුම ප්‍රාසාංග කලා හා ග්‍රාමීය කලා ශිල්පී ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක, අමාත්‍යාංශ රාජ්‍ය ලේකම් එස්.ටී. කොඩිකාර, අතිරේක ලේකම් විජිත නන්ද කුමාර, සැලසුම් අධ්‍යක්ෂ ඒ.ඒ.සී.නිලන්ති පෙරේරා, පුරාවිද්‍යා අධ්‍යක්ෂ ජනරාල් අනුර මනතුංග, මධ්‍යම සංස්කෘතික අරමුදලේ අධ්‍යක්ෂ උපුල් බණ්ඩාරනායක, මධ්‍යම සංස්කෘතික අරමුදලේ මාධ්‍ය අධ්‍යක්ෂ ලලිත් උදේශ් මධුභානූ, ශ්‍රී ලංකා තොරතුරු සහ සන්නිවේදන තාක්ෂණ නියෝජිත ආයතනයේ වැඩසටහන් ප්‍රධානී ශ්‍රියානන්ද රත්නායක, ජ්‍යෙෂ්ඨ ව්‍යාපෘති කළමණාකරු මහීස දයානන්ද, ව්‍යාපෘති නිලධාරිනී නවෝදා ගුණරත්න, පුරාවිද්‍යා දෙපාර්තමේන්තුවේ පර්යේෂණ නිලධාරී වාසනා ප්‍රේමචන්ද්‍ර, පී.එම්.ආර්.ප්‍රියදර්ශනී යන මහත්ම මහත්මින් ද මෙම අවස්ථාවට එක්වා සිටියා.

You might also like
Comments
Loading...