දින 10න් ඇඳන් 10000ක් ව්‍යාපෘතියට ඇමැති නාමල්ගෙන් දිරිගැන්වීමක්

0 3

දින 10න් ඇඳන් 10,000ක් ප්‍රදානය කිරීමේ ජාතික ව්‍යාපෘතියට එක්වෙමින් ඒ වෙනුවෙන් වෙහෙසෙන තරුණ තරුණියන් ඇතුළු පිරිසට දිරිදීම සඳහා තරුණ හා ක්‍රීඩා අමාත්‍ය නාමල් රාජපක්ෂ මහතා මාතර, කොළඹ සහ ගම්පහ දිස්ත්‍රික්කයන් හි ස්ථාන කිහිපයක නිරීක්ෂණ චාරිකාවන්ට අද (09) දින එක්වූවා.

මෙම නිරීක්ෂණ චාරිකාවන්හි දී අමාත්‍ය නාමල් රාජපක්ෂ මහතා අදාළ ඇඳන් සකස් කරන ස්ථානවලටම ගොස් ඔවුනොවුන් හමුවී සාකච්ඡා කරමින් ඔවුන් දිරිගැන්වීම් සිදු කළ බවයි අමාත්‍යංශය නිකුත් කළ නිවේදනයක දැක්වෙන්නේ.

තංගල්ල පල්ලිය ඉදිරිපිට තරංග අයන් වර්ක්ස් ස්ථානයෙන් අද(09) දින නිරීක්ෂණ චාරිකාව ආරම්භ කළ අමාත්‍ය නාමල් රාජපක්ෂ මහතා මාතර දෙවිනුවර හා දික්වැල්ල ප්‍රාදේශීය බලමණ්ඩලයන්හි මෙම ව්‍යාපෘතියට අදාළව ඇඳන් සැකසෙන ආකාරය එහි දී නිරීක්ෂණය කර තිබෙනවා.

Read Also This News : අලුතින්ම හුදකලා ප්‍රදේශ

ඊට අමතරව, අමතර ප්‍රතිකාර මධ්‍යස්ථාන සකස් කර ඇති ආකාරය ද අමාත්‍යවරයා ගේ නීරීක්ෂණයට ලක්වූ බවයි නිවේදනයේ දැක්වෙන්නේ.

රාජ්‍ය අමාත්‍ය කංචන විජේසේකර මහතා ද මෙම නිරීක්ෂණ චාරිකාවට එක්ව සිටි අතර, එහි දී මෙම කාර්යය ඉටු කිරීමේ දී ඇතිවන දුෂ්කරතාවන් අවම කර ගැනීමට අවශ්‍ය පහසුකම් හා උපදෙස් අමාත්‍ය නාමල් රාජපක්ෂ මහතා විසින් ලබා දෙන ලදි.

අනතුරුව මාතර ජාතික තරුණ සේවා සභා පුහුණු මධ්‍යස්ථානයේ දී ඇඳන් සැකසෙන ආකාරය නිරීක්ෂණය කළ අමාත්‍යවරයා වැලිගම ප්‍රාදේශීය සභා ගොඩනැගිල්ලේ සහ දෙනිපිටිය චම්පික අයන් වර්ක්ස් හි සිට මෙම කාර්යයට දායකත්වය සපයන තරුණ පිරිස් සමඟ ද එක්වෙමින් ඔවුන්ද දිරිගන්වනු ලැබුවා.

දින 10න් ඇඳන් 10,000ක් සැකසෙන්නේ දැනට පවතින තත්ත්වයට මුහුණදෙමින් ආසාදිත ජනතාව වෙනුවෙන් සහනයක්වීමට බව කියා සිටි අමාත්‍ය නාමල් රාජපක්ෂ මහතා, මෙම කාර්යයට වඩා රජය මේ වනවිට ප්‍රමුඛත්වය දී කටයුතු කරනුයේ වෛරසයේ ව්‍යාප්තිය පාලනය කිරීමට අවශ්‍ය ජනතාව එන්නත් කිරීමේ කාර්යයට බව පෙන්වා දුන්නේය.

කොළඹ දිස්ත්‍රික්කයේ කටුබැද්ද කර්මාන්ත ඉංජිනේරු අභ්‍යාස ආයතනය – (IETI) සහ ගම්පහ දිස්ත්‍රික්කයේ කටුනායක ඉංජිනේරු තාක්ෂණික ආයතනයට ගිය අමාත්‍ය නාමල් රාජපක්ෂ මහතා, අවශ්‍ය මොහොතේ රට වෙනුවෙන් පෙරට පැමිණි සියලු දෙනාට සිය හෘදයාංගම ආචාරය පුද දෙන බවද කියා සිටියා.

You might also like
Comments
Loading...