රුපියල් මිලියන 14කට අධික වටිනාකමකින් යුත් කේරළ ගංජා තොගයක් නාවික හමුදා භාරයට

0 5

ශ්‍රී ලංකා නාවික හමුදාව පේදුරුතුඩුව කොට්ටඩි වෙරළ ප්‍රදේශයේ ඊ‍යේ(30) දින සිදු කළ විශේෂ රාත්‍රී පාමුර සංචාරයකදී ඩිංගි යාත්‍රාවක් තුල සගවා තිබු කේරළ ගංජා කිලෝ 48 ග්‍රෑම් 900ක පමණ ප්‍රමාණයක් නාවික හමුදා භාරයට ගෙන තිබෙනවා.

ඒ උතුරු නාවික විධානය මගින් පේදුරුතුඩුව කොට්ටඩි වෙරළ ප්‍රදේශයේ මුනියා ධීවර ගම්මානයේ සිදු කළ මෙම විශේෂ රාත්‍රී පාමුර සංචාරයේ දීයි.

වෙරළේ නවතා තිබූ සැක කටයුතු ඩිංගි යාත්‍රාවක් පරික්‍ෂාවට ලක් කර, එහි පොලිතීන් උර තුල සුක්‍ෂම ලෙස අසුරා සඟවා තිබූ කේරළ ගංජා කිලෝ 48 ග්‍රෑම් 900ක පමණ ප්‍රමාණයක් නාවික හමුදා භාරයට ගත් බවයි නාවික හමුදාව පවසන්නේ.

එමෙන්ම, නාවික හමුදා මෙහෙයුම හේතුවෙන් පලාගිය මෙම ජාවාරමට සම්බන්ධ පුද්ගලයන්ගේ බවට සැක කෙරෙන යතුරු පැදි 02ක් ද එම ස්ථානයේ දි නාවික හමුදා භාරයට ගෙන ඇති බවයි නාවික හමුදාව පවසන්නේ.

එලෙස නාවික හමුදා භාරයට ගැනුණු කේරළ ගංජා තොගයේ විථි වටිනාකම රු.මිලියන 14කට අධික වෙතැයි විශ්වාස කෙරෙනවා.

කොව්ඩ් -19 ව්‍යාප්තිය වැළැක්වීමේ සෞඛ්‍යාරක්‍ෂිත ක්‍රමවේදයන්ට අනුකූලව සිදු කළ මෙම මෙහෙයුම මගින් නාවික හමුදා භාරයට ගත් කේරළ ගංජා තොගය සහ යතුරු පැදි දෙක (02) ඉදිරි විමර්ෂණ කටයුතු සදහා පේදුරුතුඩුව පොලීසිය වෙත භාරදීමට කටයුතු යොදා ඇති බවයි නාවික හමුදාව පවසන්නේ. 

You might also like
Comments
Loading...