X Press Pearl නෞකාවේ දේශීය නියෝජිතයා අත්අඩංගුවට ගැනීමට උපදෙස්

0 11
X Press Pearl නෞකාවේ මෙරට නියෝජිතයා අත්අඩංගුවට ගෙන අධිකරණයට ඉදිරිපත් කරන ලෙස නීතිපතිවරයා අපරාධ පරීක්ෂණ දෙපාර්තමේන්තුවට උපදෙස් ලබාදී තිබෙනවා.

පොලීසිය පැවසුවේ, මේ වන විට සැකකාර නියෝජිතවරයා අත්අඩංගුවට ගැනීමට අපරාධ පරීක්ෂණ දෙපාර්තමේන්තුවෙන් විශේෂ කණ්ඩායමක් ක්‍රියාත්මක බවයි පොලිසිය කියා සිටියේ.

සැකකරුගේ කාර්යාලය හා නිවස මේ වන විට පරීක්ෂා කර ඇති අතර ඔහු එම ස්ථානවල නොසිටි බවද පොලීසිය පවසනවා.

නෞකාවේ මෙරට නියෝජිතවරයා අත්අඩංගුවට ගැනීමට නීතිපති උපදෙස් මත ක්‍රියාකරන බවයි පොලිසිය පවසන්නේ.

මේ අතර නෞකාව ගිනිගැනීමෙන් බලපෑමට ලක්ව මියගිය බවට සැකකරන කැස්බෑවන්ගේ ඩොල්ෆින් සත්ත්වයින්ගේ මරණ පරීක්ෂණ සිදුකල වෛද්‍යවරයාගෙන් ප්‍රකාශයක් ලබාගෙන තිබෙනවා.

ඒ අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින්.

අදාළ මරණ සම්බන්ධ ඉදිරි විමර්ශන රසායනාගාර වාර්තා නිකුත් වීමෙන් පසු සිදුකෙරෙන බවයි පොලිසිය කියා සිටියේ.

 

You might also like
Comments
Loading...