වැලි බොරළු ජාවාරම්කරුවන් නිසා රක්ෂිත වන විනාශ වී ජනතාවට පීඩා

රොමේෂ් මධුෂංඛ - වන්නි

0 25

කිලිනොච්චිය සහ මුලතිව් දිස්ත්‍රීක්කයන්හි මහපරිමාණ වැලි සහ බොරලු කැපීම් හේතුවෙන් රක්ෂිත වනාන්තර මෙන්ම සාමාන්‍ය වැසියන්ගේ ඉඩම් විනාශ වීම හේතුවෙන් ජනතාව දැඩි සේ පීඩාවන්ට පත්ව සිටිනවා.

කිලිනොච්චිය කණ්ඩාවලෙයි ප්‍රාදේශීය ලේකම් කොට්ඨාශයට අයත් අක්කරායන්, පුලියන්පොක්කනෙයි සහ පෙරියකුලම් යන ප්‍රදේශයන්හි අක්කර 30 කට ආසන්න ප්‍රදේශයක් මේ වන විටත් වැලි ජාවාරම්කරුවන් විසින් විනාශ කොට ඇති අතර ඇතැම් ස්ථානයන්හි අඩි 20 ක් තරම් වූ ගැඹුරැති වලවල් ඇති බවටද ප්‍රදේශවාසීන් පවසනවා.

මේ හේතුවෙන් අදාල ප්‍රදේශයන්හි වැලි ජාවාරම්කරුවන් ඇල්ලීම සඳහා යුද හමුදාවද සහය ලබා දී වැලි කැනීම් සිදුකරන ප්‍රදේශයන්හි නිරීක්ෂණයක්ද සිදුකර තිබෙනවා.

මේ අතර මුලතිව් අයියන්කුලම් පොලිස් බලප්‍රදේශයේ අම්බාල් පෙරුමාල්කුලම් ප්‍රදේශයේ පිහිටි රක්ෂිතයන්හීද බොරලු ජාවාරම්කරුවන් විසින් මහපරිමාණයෙන් වනාන්තරය එලි පෙහෙලි කොට බොරලු කැපීම සිදුකරන අතර ඔවුන් ව්‍යාජ බලපත්‍ර යොදාගනිමින් මෙලෙස බොරලු කැපීම සිදු කරන අතරම එම පිරිස් අත්අඩංගුවට ගැනීමට මෙතෙක් කිසිවෙකු පියවර ගෙන නොමැති බවටද ප්‍රදේශවාසීන් චෝදනා කරනවා.

මේ හේතුවෙන් යුද හමුදාව හෝ මැදිහත් වී අදාල ජාවාරම් නැවත්වීමට පියවර ගන්නා ලෙසට ප්‍රදේශවාසීන් වැඩිදුරටත් ඉල්ලා සිටිනවා.

You might also like
Comments
Loading...