රන් මල්ලිගේ නිවසේ වළදමා තිබූ රුපියල් මිලියන 13කට අධික මුදලක් සොයා ගැනේ
දැනට ඩුබායි හි සිටින බව පැවසෙන මත්ද්‍රව්‍ය ජාවාරම්කරුවෙක් වන “චරිත් සඳකැලුම්” හෙවත් “රන්මල්ලී” නැමැත්තාගේ ඥාති සහෝදරයා මත්ද්‍රව්‍ය නාශක කාර්යාංශය විසින් අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසා සිටියේ, එම පුද්ගලයා රන්මල්ලි නැමැත්තාගේ බිරිඳගේ සහෝදරයා බවට අනාවරණය වු බවයි.
අත්අඩංගුවට පත් පුද්ගලයා තාවකාලිකව පදිංචිව සිට ඇති කොට්ටාව, හිරිපිටිය ප්‍රදේශයේ නිවසක වළලා තිබු රුපියල් මිලියන 13.9ක් ද සොයා ගැනීමට මත්ද්‍රව්‍ය නාශක කාර්යාංශ නිලධාරීන් කටයුතු කර තිබෙනවා.
ශ්‍රී ලංකාව තුළ මත්ද්‍රව්‍ය ජාවාරම සිදුකිරීමට හා මත්ද්‍රව්‍ය ජාවාරමෙන් උපයාගත් මුදල් සඟවා තබා ගැනීමට රන්මල්ලී නැමැත්තා එම පුද්ගලයාට යොදා ගෙන ඇති බවයි.
අත්අඩංගුවට පත් පුද්ගලයා මත්ද්‍රව්‍ය නාශක කාර්යාංශය වෙත රැගෙන විත් තිබෙනවා.
රන්මල්ලි නැමති පුද්ගලයා ඩුබායි හි සිටින බව පැවසෙන මත්ද්‍රව්‍ය ජාවාරම්කරුවෙක් වන නඳුන් චින්තක නොහොත් “හරක් කටා”ගේ සහයකයෙක් බව ද පොලිසිය පවසනවා.
Hits: 2
